Nekünk írták rólunk

Si kathe jekh cino grupo, kon aba but bersha sa pe kodi keren butyi, sar te avel amenge, le romenge majmishto. Zhutinen ande soste zhanen, vi ande kodi, ande soste na, ke pushen, zhan, akharen thaj roden kodole manushen, kon udyankade kamel te zhutil.
Andre sikaven pa amende o chachipo, sikaven e luma amare romane shavorenge.
Thaj anen penca kodi jag, so sikavel amare romane shavorenge, hoj si vi len shajipo avri te phagren kothar, sokaj akanak si le.
Vi le barvale gazhenge glinda sikaven thaj ingren lende amari phari zhelya, hoj kon numa zhanel, te avel najisardo so si len, thaj te na bistren, hoj si vi maj bibaxtale manusha lendar!

Mashkar lenge but lashipo jekh – duj avri vazdav:
Gada thaj topanki, papuchi kiden kethane ande Peshta thaj kothe den len le legmajchorre gavenge, shavorenge!
Nuro ingren le chorre manushenge, kon chi zhanen penge avri te len le jakhengi glazha!
Zhutisaren kodole shavoren, ande kaste dikhen o talentumo, de chorre-j, thaj bilengo chi zhangnas majdur te zhan!
Amenge, le romenge, kana aba butivar kade hatyaras, hoj sakon tele phendas pa amende, hoj e luma bisterdas amen, bares mishto perel amare jileske, hoj inke si kasave lashe manusha, kon pe pengo jilo phiraven amen thaj anda pengi sako zor pe kodi si le, sar te zhutisaren pe amende.
Amare chache, vuzhe jilesa mangas tumenge ( újSTART Alapítvány ) kathar o drago sunto Del but – but zor, sastyipo, hoj míg e luma luma avla te ingren majdur tumari bibisterdi butyi!
So si kadi, tena le Devleski butyi? Aldil tumen o drago Deloro thaj vi kodolen, kon tumenca ande jekh zhutisaren amen! Ke kasave san le, sar jekh lasho dad thaj dej, kon grizhisarel thaj bararel peske shavoren, peske nipos! – Jilesa iskirindas tumenge kadala vorbi: o Balogh Laci anda Szabolcs regiovo.

Van itt egy kis csapat, akik már sok éve mind azon dolgoznak, hogy legyen nekünk cigányoknak jobb. Segítenek amiben tudnak, és abban is, amiben nem, mert megkérdeznek, mennek, hívnak és keresik azokat az embereket, akik ugyanúgy akarnak segíteni. Bemutatják rólunk a valóságot és megmutatják a világot a mi cigány gyerekeinknek is.
És hozzák magukkal azt a tüzet, ami megmutatja a mi cigány gyerekeinknek, hogy van esélyük kitörniük onnan, ahol most vannak.
A gazdag magyaroknak is tükröt mutatnak és elviszik hozzájuk a mi nehéz sorsunkat, hogy aki csak tud, legyen hálás amije van és ne feledkezzen meg, hogy vannak tőlük kevéssé szerencsés emberek is! A sok jóságuk közül egyet- kettőt kiemelek: Ruhát, cipőt gyűjtenek Budapesten és oda adják a legszegényebb falvak gyerekeinek!
Fényt visznek a szegény embereknek, akik nem tudják kiváltani a szemüvegüket! Segítik azokat a gyerekeket, akikben látják a tehetséget, de szegények és nélkülük nem tudnának tovább menni! Nekünk, cigányoknak, amikor már sokszor úgy érezzük, hogy mindenki lemondott rólunk, hogy a világ megfeledkezett rólunk, nagyon jól esik a szívünknek, hogy még vannak olyan emberek, akik a szívükön viselnek minket és minden erejükből azon vannak, hogyan segítsenek nekünk. A mi igaz, tiszta szívünkből kérjük nektek a drága szent Istentől sok – sok erőt, egészséget, hogy míg a világ a világ lesz tudjátok tovább vinni a felejthetetlen munkátokat! Mi ez, ha nem az Úr munkája? Áldjon meg benneteket a drága Isten és azokat is, akik veletek együtt segítenek nekünk! Mert olyanok vagytok, mint egy jó apa és anya, akik gondoskodnak és nevelik a gyerekeiket, a népüket! – Jószívvel írta nektek e szavakat: Balogh Laci Szabolcs megyéből.